Financial Skillsets

ဘဏ္ဍာရေးဆိုင်ရာနယ်ပယ်၌အသက်မွေးဝမ်းကျောင်းပြုလိုသူများအတွက်လိုအပ်သောကျွမ်းကျင်မှု(၉) မျိုး...

ဘဏ္ဍာရေးဆိုင် နယ်ပယ်၌အသက်မွေးဝမ်းကြောင်းပြုနေသူများအနေဖြင့် ခေတ်ပေါ် နည်းပညာများ၊ ဘာသာရပ်ဆိုင်ရာ ကျွမ်းကျင်မှု၊ ကြေညက်မှုများ၊ လူအချင်းချင်းကောင်းမွန်စွာဆက်ဆံတက်မှု၊ အတွက်အချက်ပိုင်နိုင်မှု၊ အကဲခတ်သုံးသပ်တက်မှု အစရှိသည်တို့ ဘက်စုံကျွမ်းကျင်ရန် လိုအပ်လာပြီဖြစ်ပါတယ်။

သင်၏ပရော်ဖက်ရှင်နယ်ဘဏ္ဍာရေး အသက်မွေးဝမ်းကြောင်း၌ သင်၏နောက်ထပ်ခြေလှမ်းကို တက်လှမ်းလိုသည့်အခါ ကျွမ်းကျင်သောဘဏ္ဍာရေးပညာရှင်ဖြစ်လာစေရန် ဤမရှိမဖြစ်လိုအပ်သော ကျွမ်းကျင်မှု (၉) ခုကို ကောင်းစွာနားလည်ထားကြောင်း သေချာစေရန် ပြင်ဆင်ထားပါ။

#စာရင်းကိုင်လုပ်ငန်းဆိုင်ရာကျွမ်းကျင်မှု

သင်၏ဘဏ္ဍာရေးဆိုင်ရာ ပရော်ဖက်ရှင်နယ် နယ်ပယ် အတွက် အရေးအကြီးဆုံးတစ်ခု ဖြစ်ပါတယ်။ တကယ်တော့ စာရင်းကိုင်လုပ်ငန်းဟာ လုပ်ငန်းသုံးဘာသာစကားပါတယ်။ ဘဏ္ဍာရေးရှင်းတမ်းများ အစီရင်ခံစာများကို မည်ကဲ့သို့ဖတ်ရှုရမည်ကို သိရှိခြင်းသည် ဘဏ္ဍာရေးလောကမှာ ထိထိရောက်ရောက် လုပ်ဆောင်ရန် အရေးကြီးတဲ့ ကျွမ်းကျင်မှု တစ်ခုဖြစ်ပါတယ်။ သင့်အနေနဲ့ အနည်းဆုံး လက်ကျန်ရှင်းတမ်းများ၊ ငွေသားစီးဆင်းမှုများနှင့် ၀င်ငွေနှင့်အသုံးစရိန်ရှင်းတမ်းများ ကဲ့သို့သော ဘဏ္ဍာရေးစာရွက်စာတမ်းများကို ကောင်းစွာ ဘာသာပြန်ဆိုနိုင်ရမည်ဖြစ်ပါတယ်။

#အများပိုင်ကုမ္ပဏီတွေရဲ့ဘဏ္ဍာရေးအစီရင်ခံများကိုဖတ်နိုင်တဲ့ကျွမ်းကျင်မှု

ယုံကြည်စိတ်ချရဆုံး သတင်းရင်းမြစ်များထဲမှ တစ်ခုအနေဖြင့်၊ Stock Exchange ဝဘ်ဆိုဒ်တွေမှာ လုပ်ငန်းတန်ဖိုးဖြတ်ခြင်းပုံစံများကို တည်ဆောက်ရန်နှင့် အများပိုင်ကုမ္ပဏီများရဲ့ စစ်မှန်သောဘဏ္ဍာရေးဆိုင်ရာ စွမ်းဆောင်ရည်ကို ဆန်းစစ်နိုင်စေရန် အရေးကြီးသော လူအများလက်လှမ်းမှီတဲ့ အချက်အလက်များရှိပါတယ်။

ဘဏ္ဍာရေးဆိုင်ရာအား လေ့လာသုံးသပ်သူများအနေနဲ့ စာရင်းကိုင်လုပ်ငန်းဆိုင်ရာ နှင့် လုပ်ငန်းလည်ပတ်မှုဆိုင်ရာ အသိပညာများကို အသုံးပြုခြင်းဖြင့် Stock Exchange ဝဘ်ဆိုဒ်တွေမှာရနိုင်တဲ့ စာရွက်စာတမ်းများကို ဖတ်နိုင်ရပါမည်။ ဒါပြင် ကုမ္ပဏီများနှင့်ပတ်သက်သော အခြားအရေးကြီးသောအချက်အလက်များကိုလည်း စိတ်ဝင်စားပြီး ဖတ်တက်ရမှာ ဖြစ်ပါတယ်။

#ကော်ပိုရိတ်များဘဏ္ဍာရေးအရင်းအနှီးရှာကြံမှု

ကော်ပိုရိတ်များအနေဖြင့် အရင်းအနှီးများရှာကြံရာဝယ် အရင်းအနှီးဖွဲ့စည်းတည်ဆောက်ပုံ နှင့် ရင်းနှီးမြှုပ်နှံမှုများပြုလုပ်ပုံ စသည်တို့အတွက် ဘယ်လိုဆုံးဖြတ်ချက်များချမှတ် လုပ်ကိုင်ကြသလဲဆိုတာကို နားလည်တဲ့ ကျွမ်းကျင်မှုမျိုး ရှိသင့်ပါတယ်။ ကော်ပိုရေးရှင်းတစ်ခုအနေဖြင့် ၎င်းတို့၏ လုပ်ငန်းတိုးချဲ့မှုအစီအစဉ်များအတွက် ရင်နှီးငွေ ရရှိရန် အစုရှယ်ယာများထုတ်ရောင်သည့် ပုံစံများ (သို့မဟုတ်) ချေးငွေစာချုပ်များ ထုတ်ရောင်းသည့် ပုံစံ စသည်ဖြင့် ဆုံးဖြတ်ချက် တစ်မျိုးမျိုးဖြင့် လုပ်နေရတာဖြစ်ပါတယ်။

#ဘဏ္ဍာရေးဆိုင်ရာမော်ဒယ်လ် (ဘဏ္ဍာရေး နဲ့ပတ်သက်ပြီး အလုပ်လုပ်ပုံ)

ဘဏ္ဍာရေးဆိုင်ရာ မော်ဒယ်လ် (ဘဏ္ဍာရေး နဲ့ပတ်သက်ပြီး အလုပ်လုပ်ပုံ) ဟာ ကုမ္ပဏီတစ်ခု၏ ဘဏ္ဍာရေးစွမ်းဆောင်ရည်ကို ဒစ်ဂျစ်တယ်နည်းနဲ့ ကိုယ်စားပြုမှုတစ်ခုဖြစ်တယ်။ ပုံမှန်အားဖြင့် ဘဏ္ဍာရေးဆိုင်ရာ မော်ဒယ်လ်ဟာ လုပ်ငန်းတစ်ခုရဲ့ ၀င်ငွေနဲ့အသုံးစရိတ်ရှင်းတမ်း၊ လက်ကျန်ရှင်းတမ်း၊ ငွေသားစီးဆင်းမှုရှင်းတမ်းနဲ့ အခြားပံ့ပိုးကူညီမှုပေးနိုင်သည့် သတင်းအချက်အလက်များဖြင့် အစီရင်ခံစာအားအသုံးပြုသူများ အရင်းအနှီးအသုံးပြုပုံနှင့်ပတ်သက်ပြီး ဆုံးဖြတ်ချက်များချရာမှာ အထောက်အကူဖြစ်စေရန် ခန့်မှန်းတွက်ချက်ထားခြင်းမျိုးဖြစ်ပါတယ်။ အရမ်းအရေးပါတဲ့ ကျွမ်းကျင်မှုတစ်မျိုးပါပဲ။

#လုပ်ငန်းများအားတန်ဖိုးဖြတ်ခြင်း

ဘဏ္ဍာရေးနဲ့ ရင်းနှီးမြုပ်နှံမှုဆိုင်ရာ ဆုံးဖြတ်ချက်များချရန်အတွက် လုပ်ငန်း၏ ကျိုးကြောင်းဆီလျော်ပြီး မျှတသော လုပ်ငန်း၏တန်ဖိုးတစ်ခုကို တွက်ချက်နိုင်မည့် မတူညီသော တန်ဖိုးဖြတ်နည်းစနစ်များကို ဘဏ္ဍာရေးဆိုင် နယ်ပယ်၌ အသက်မွေးဝမ်းကျောင်းပြုလိုသူများအနေနဲ့ အထူးနားလည်ရန် လိုအပ်ပါတယ်။

လုပ်ငန်းတစ်ခုအား တန်ဖိုးဖြတ်ခြင်းဆိုတာဟာ လျှော့စျေးငွေသားစီးဆင်းမှု (Discounted Cash Flow) အား ခွဲခြမ်းစိတ်ဖြာခြင်း၊ လုပ်ငန်းတူကုမ္ပဏီများအား နှိုင်းယှဉ်ပြီး ခွဲခြမ်းစိတ်ဖြာခြင်း၊ ရှေးကရောင်းချခဲ့ဖူးတဲ့ လုပ်ငန်းတူများ၏ စျေးနုန်းများအား ခွဲခြမ်းစိတ်ဖြာခြင်းများ၊ လုပ်ငန်းတစ်ခုနဲတစ်ခု ပေါင်းစည်းခြင်း၏ အကျိုးဆက်နှင့် အကျုံးဝင်သော ဝယ်ယူမှုများအား ခွဲခြမ်းစိတ်ဖြာခြင်းကဲ့သို့သော ရည်ရွယ်ချက်အစီအမံများကို အသုံးပြုပြီး လုပ်ငန်းတစ်ခု၏ လက်ရှိတန်ဖိုးအား ဆုံးဖြတ်သည့် လုပ်ငန်းစဉ်ဖြစ်ပါတယ်။

#ဘာသာရပ်ဆိုင်ရာခွဲခြမ်းစိတ်ဖြာမှုအားကျွမ်းကျင်တက်မြောက်ခြင်း

ဒါကတော့ အတိတ်မှာ ရှယ်ယာစျေးနှုန်းများ၏ ရွေ့လျားမှုများကို ခွဲခြမ်းစိတ်ဖြာမှုအပေါ် အခြေခံ၍ အနာဂတ် ရှယ်ယာစျေးနှုန်းအတွက် လှုပ်ရှားမှုများ၏ ခန့်မှန်းချက် (သို့မဟုတ်) ခန့်မှန်းခြင်းဖြစ်ပါတယ်။ ဒီကျွမ်းကျင်မှုဟာ အချိန်ကြာလာသည်နှင့်အမျှ စျေးနှုန်းများတွင် “ဖြစ်နိုင်ချေ” ကို ရင်းနှီးမြှုပ်နှံသူများ ကြိုတင်ခန့်မှန်းနိုင်ရန် ကူညီပေးနိုင်တဲ့ ဆရာကျကျွမ်းကျင်တက်မြောက်ခြင်းတစ်မျိုးပါပဲ။

#လုပ်ငန်းတစ်ခုအားဝယ်ယူရာမှာအသုံးပြုတဲ့LeveragedBuyoutမော်ဒယ်လ် ("LBO")

သူကတော့ ချေးငွေကိုများများအသုံးချပြီး နှင့် ကိုယ်ပိုင်ငွေပမာဏအနည်းငယ်ကိုသာ အသုံးပြုပြီး အများပိုင် (သို့မဟုတ်) ပုဂ္ဂလိကကုမ္ပဏီတစ်ခုအား ဝယ်ယူမှုမှာ အသုံးပြုကြလေ့ရှိတဲ့ ခေတ်မီဆန်းပြားတဲ့ ပုံစံတစ်ခုဖြင့် အလုပ်လုပ်တက်တဲ့ ကျွမ်းကျင်မှုမျိုးကို ဆိုလိုတာပါ။

#ပေါင်းစည်းမှုနှင့်ဝယ်ယူမှုများမော်ဒယ် (“M&A”)

ဒီပုံစံကတော့ ကုမ္ပဏီ၏ စျေးကွက်ဝေစုကို မြှင့်တင်ပေးခြင်းဖြင့် ကုမ္ပဏီ၏ အရွယ်အစားကိုမြှင့်တင်ပေးခြင်းပါပဲ။ စီးပွားရေးလုပ်ငန်းသစ်များ ဖော်ဆောင်ရာမှာ ကုန်ကျစရိတ်ကို လျှော့ချပေးသည့် ပေါင်းစည်းခြင်း သို့မဟုတ် ဝယ်ယူမှုသဘောတူညီချက်၏ အကျိုးသက်ရောက်မှုကို အကဲဖြတ်ရန် ဘဏ္ဍာရေးဆိုင်ရာ ကျွမ်းကျင်သူများအနေဖြင့် အဓိကကျတဲ့ ဘဏ္ဍာရေး စီမံခန့်ခွဲမှုအဆင့်မြင့် အရည်အချင်းများပြည့်တဲ့ ကျွမ်းကျင်မှုမျိုးပါ။ M&A ခွဲခြမ်းစိတ်ဖြာမှုမှတစ်ဆင့် လုပ်ငန်းတစ်ခုအားဝယ်ယူရရှိနိုင်သော စျေးနှုန်း၊ သဘောတူညီချက်များ၏ ဖွဲ့စည်းပုံ နဲ့ အဆိုပါသဘောတူညီချက်ရဲ့ သက်ရောက်မှုများကို ဆုံးဖြတ်ရန် ကူညီပေးရမှာပါ။

#Excelကျွမ်းကျင်မှု

Excel သည် ဘဏ္ဍာရေးဆိုင်ရာ နယ်ပယ်၌ အသက်မွေး ဝမ်းကျောင်းပြုလိုသူများအတွက် ပိုင်နိုင်စွာကျွမ်းကျင်ရန် မရှိမဖြစ်လိုအပ်တဲ့ ကျွမ်းကျင်မှုတစ်ခုဖြစ်ပါတယ်။ ငွေကြေးပုံစံအားလုံးအားတွက်ချက်ရာမှာ အခြေခံအုတ်မြစ်ဖြစ်ပါတယ်။ Excel အား ပုံသေနည်းများဖြင့် ရင်းနှီးကျွမ်းဝင်ရန် အချိန်ယူခြင်းက လေ့ကျင့်ထားခြင်းဖြင့် မော်ဒယ်များတည်ဆောက်ရာမှာ ကျွန်ုပ်တို့၏အလုပ်ချိန်မြန်နှုန်းအား (၃) ဆကျော်လောက်တိုးလာစေမှာ ဖြစ်တဲ့အပြင် စွမ်းဆောင်ရည်လည်းထူးကဲလာပြီး ဘဏ္ဍာရေးဆိုင်ရာ နယ်ပယ်မှာ အောင်မြင်ရန် သော့ချက်ဖြစ်လာပါလိမ့်မည်။

#နိဂုံးချုပ်

သင်ရှာဖတ်ရှုခဲ့ရသည့်အတိုင်း အထက်ဖော်ပြပါ ကျွမ်းကျင်မှုအများစုသည် တစ်ခုနှင့်တစ်ခုဆက်စပ်နေပါတယ်။ တစ်နည်းဆိုရသော် ဘဏ္ဍာရေးဆိုင်ရာ နယ်ပယ်၌ အသက်မွေး ဝမ်းကျောင်းပြုလိုသူများအတွက် လိုအပ်တဲ့ အရည်အချင်းများဟာ ပေါင်းစပ်စွမ်းရည်တစ်ခုနှင့်တူပါတယ်။ ကျွမ်းကျင်မှုတစ်ခုကို လေ့ကျင့်ခြင်းဖြင့်၊ ဘဏ္ဍာရေးလေ့လာသူအဖြစ် သင်၏ အလုံးစုံစွမ်းရည် တိုးလာမည်ဖြစ်ပါတယ်။ ထိုသို့သောစွမ်းရည်ကို မြှင့်တင်ရန် သင်၏ကြိုးပမ်းအားထုတ်မှုများဟာ သင်ကိုယ်တိုင်၏ "တိုးမြှင့်မှု" နှင့် ဘဏ္ဍာရေးဆိုင်ရာ နယ်ပယ်၌ ကျွမ်းကျင်သူအဖြစ် သင်၏အသက်မွေးဝမ်းကြောင်း၌အောင်မြင်မှုဆီသို့ ဦးတည်သွားမည်ဖြစ်ပါတယ်။

---------------------------------------------------------------------------------------------------------------------------

Than Aung - CEO

MaximaxSolution

ဦးသန်းအောင်သည် Accounting, Finance နှင့် Private Equity Investment နယ်ပယ်များတွင်နှစ်ပေါင်း (20) ကျော် အတွေ့အကြုံရှိပြီး၊ ပြည်တွင်းပြည်ပ ကုမ္ပဏီပေါင်းများစွာအား Corporate Finance, Investment Advisory, M&A, Financial Advisory, Tax Advisory, Accounting Services အစရှိတဲ့ဝန်ဆောင်မှုမျာအားပေးနေတဲ့ MaximaxSolution Corporate Advisory ၏ Founder and CEO ဖြစ်သည်။ Microfinance, Education, Telecom, Retail, Health Care, Food and Beverage, Hydropower, Solar, Manufacturing, Trading အစရှိတဲ့ကဏ္ဍများ၌ Mergers & Acquisitions (M&A) အတွေ့အကြုံများစွာရှိပြီး၊ US$200 million ကျော်ရှိတဲ့ Investment Deal လေးခုမှာပါဝင်ခဲ့ပါတယ်။

ပြည်တွင်းပြည်ပကုမ္ပဏီများမှ လုပ်ငန်းရှင်များ၊ Working Executives များ၊ အောင်မြင်ကျော်ကြားနေသော လုပ်ငန်းရှင်ကြီးများအားဘဏ္ဍာရေးနှင့် သက်ဆိုင်သော Executive Education များ ပို့ချပေးနေသော မြန်မာနိုင်ငံ၏ ငွေကြေး နှင့် အရင်းအနှီးဈေးကွက် ဖွံဖြိုးလာရေးအတွက် ထိန်းကျောင်းလမ်းညွန်မှုပေးနေသည့် “Securities and Exchange Commission of Myanmar, #SECM” မှအရည်အသွေးပိုင်း ဆိုင်ရာ အသိအမှတ်ပြု လက်မှတ် ရရှိထားသည့် MaximaxSolution Executive Learning Institute ၏ Chief Capability Officer လည်းဖြစ်ပါတယ်။ UK နိုင်ငံ CISI, ACCA တို့၏ Member ဖြစ်ပြီး၊ MICPA ၏ Member တစ်ဦးလည်းဖြစ်ပါတယ်။